ໜ້າຫຼັກ >> ພັດທະນາຊົນນະບົດ >> ຄຳມ່ວນສະຫລຸບຄືນການກໍ່ສ້າງຈຸດສຸມປ່າໜາມ ໃຫ້ກາຍເປັນຕົວເມືອງນ້ອຍໃນຊົນນະບົດ
ຄຳມ່ວນສະຫລຸບຄືນການກໍ່ສ້າງຈຸດສຸມປ່າໜາມ ໃຫ້ກາຍເປັນຕົວເມືອງນ້ອຍໃນຊົນນະບົດ
ວັນທີ 23 ກໍລະກົດ 2013 - ເວລາ 16:24:09 ເບິ່ງ 120 ຄຳເຫັນ 0

ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນແຂວງໆຄຳມ່ວນຮ່ວມກັບຄະນະພັກ ຮາກຖານຈຸດສຸມປ່າໜາມໄດ້ສະຫລຸບຕີລາຄາຄືນກ່ຽວກັບການກໍ່ສ້າງຈຸດສຸມປ່າໜາມໃຫ້ກາຍເປັນຕົວເມືອງນ້ອຍໃນຊົນນະບົດ. ເຊິ່ງພິທີໄດ້ຈັດຂຶ້ນໃນວັນທີ 19  ກໍລະກົດ 2013 ຜ່ານມາທີ່ຫ້ອງການຈຸດສຸມປ່າໜາມ ເມືອງ ມະຫາໄຊ ແຂວງຄຳມ່ວນ.

      ໂດຍມີທ່ານ ໂອໄດ ສຸດາພອນ ຮອງເຈົ້າແຂວງ, ຜູ້ຊີ້ນຳວຽກງານພັດທະນາຊົນນະບົດ ແລະ ລຶບ ລ້າງຄວາມທຸກຍາກຂັ້ນແຂວງ, ທ່ານ ທອງລາ ແສງທອງ ຮອງເລຂາພັກເມືອງໆມະຫາໄຊ, ທ່ານ ພິດສະໃໝ ກອງຊາເດດ ຫົວໜ້າຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນແຂວງ, ພ້ອມດ້ວຍບັນ ດາທ່ານພະແກນການກ່ຽວຂ້ອງຄະນະພັກ, ນາຍບ້ານ ແລະ ອຳນາດການປົກຄອງຈຸດສຸມເຂົ້າຮ່ວມ. ຈຸດສຸມ ປ່າໜາມປະກອບມີ 6 ບ້ານຄື: ບ້ານປ່າໜາມ, ນາໝາກບ້າ, ນາກະທ້າງທົ່ງ, ນາກະທ້າງດົງ, ນາຈະລຸ້ມ ແລະ ບ້ານນາກະຖຸງ, ໃນຈຳນວນ 6 ບ້ານດັ່ງກ່າວໄດ້ປະກາດຮັບຮອງເປັນບ້ານວັດທະນະທຳແຕ່ວັນທີ 28 ກຸມພາ 2013 ແລະ ປະກາດຮັບຮອງເປັນບ້ານພັດທະນາແຕ່ວັນທີ 13 ມິຖຸນາ 2013 ເປັນຕົ້ນມາຈຸດສຸມ ປ່າໜາມມີທີ່ຕັ້ງຢູ່ທິດໃຕ້ຂອງສຳນັກເມືອງມະຫາໄຊ, ຫ່າງຈາກສຳນັກເມືອງປະມານ 24 ກິໂລແມັດ, ມີເນື້ອທີ່ ທັງໝົດ  6 ຕາລາງກິໂລແມັດ, ມີ 869 ຄອບຄົວ, 895 ຫລັງຄາເຮືອນ, ພົນລະເມືອງລວມ 4.066 ຄົນ, ຍິງ 2.075 ຄົນ, ມີ 2 ຊົນເຜົ່າລາວ ແລະ ຜູ້ໄທ, ປະຊາຊົນສ່ວນໃຫຍ່ນັບຖືສາສະໜາພຸດ, ເຮັດນາເປັນອາ ຊີບຕົ້ນຕໍ, ປູກຝັງ-ລ້ຽງສັດ ແລະ ຄ້າຂາຍເປັນອາຊີບສຳຮອງ, ຈຸດສຸມປ່າໜາມມີ 1 ຄະນະພັກຮາກຖານ, ມີ 7 ໜ່ວຍພັກນຳພາບ້ານມີສະມາຊິກພັກທັງໝົດ 97 ສະຫາຍ, ຍິງ 11 ສະຫາຍ, ໃນນັ້ນສຳຮອງ 20 ຄົນ, ຍິງ 3 ຄົນ, ມີໜ່ວຍຊາວໜຸ່ມ 3 ໜ່ວຍ, ມີສະມາຊິກຊາວໜຸ່ມ 93 ຄົນ, ຍິງ 55 ຄົນ, ໜ່ວຍແມ່ຍິງ 6 ໜ່ວຍ, ມີສະມາຊິກສະຫະພັນແມ່ຍິງທັງໝົດ  1.029 ຄົນ, ໜ່ວຍກຳມະບານ 1 ໜ່ວຍ, ມີສະມາຊິກກຳມະ ບານທັງໝົດ 25 ຄົນ, ຍິງ 14 ຄົນ, ມີອົງການຈັດຕັ້ງແນວລາວສ້າງຊາດ ແລະ ສະຫະພັນນັກຮົບເກົ່າ. ຈຸດ ສຸມປ່າໜາມມີເນື້ອທີ່ນາທັງໝົດ 823,76 ເຮັກຕາ, ສະມັດຖະພາບການຜະລິດ 3,5 ໂຕນຕໍ່ເຮັກຕາ, ທ່ານ ຄຳໄພ ພະສິດໄຊ ຮອງເລຂາຄະນະພັກຮາກຖານຈຸດສຸມປ່າໜາມກ່າວວ່າ: ການສ້າງລະບົບການຈັດຕັ້ງ ແລະ ພື້ນຖານໂຄງລ່າງຂອງຈຸດສຸມໃຫ້ກາຍເປັນຕົວເມືອງນ້ອຍໃນຊົນນະບົດແຕ່ປີ 2008 ມາຮອດປະຈຸບັນສາມາດ ເຮັດສຳເລັດບັນດາໜ້າວຽກດັ່ງນີ້ສຳເລັດການກວດກາການດຳເນີນຊີວິດພັກ, ສຳເລັດກອງປະຊຸມໃຫຍ່ຂັ້ນໜ່ວຍ ແລະ ຂັ້ນຮາກຖານພັກ, ສຳເລັດການນຳພາການຂຽນແຜນສ້າງໜ່ວຍພັກແຂງ-ຮູ້ນຳພາຮອບດ້ານ, ສຳເລັດ ການປະເມີນໜ່ວຍພັກ ແລະ ສະມາຊິກພັກ, ສາມາດຮັບຮອງເປັນໜ່ວຍພັກແຂງຮູ້ນຳພາຮອບດ້ານໄດ້ 7 ໜ່ວຍ, ມີສະມາຊິກພັກແຂງ-ຮູ້ນຳພາຮອບດ້ານ 90 ສະຫາຍ, ຍິງ 8 ສະຫາຍ, ສະມາຊິກພັກແຂງດ້ານ ໃດໜຶ່ງ 30 ສະຫາຍ, ຍິງ ສະຫາຍ, ສະມາຊິກພັກປະເພດກາງ 4 ສະຫາຍ, ຍິງ 1 ສະຫາຍ, ສຳເລັດບັ້ນ ດຳເນີນຊີວິດການເມືອງໃຫ້ອົງການຈັດຕັ້ງຊາວໜຸ່ມແມ່ຍິງ ແລະ ປັບປຸງໂຄງປະກອບອົງການຈັດຕັ້ງແນວລາວ ສ້າງຊາດຂັ້ນບ້ານ, ໄດ້ປັບປຸງໂຄງປະກອບການຈັດຕັ້ງຄືນໃໝ່ ແລະ ຝຶກອົບຮົມສິດ ແລະ ໜ້າທີ່, ພາລະບົດ ບາດໃຫ້ຄະນະບ້ານ, ໜ່ວຍໄກ່ເກ່ຍ, ອຳນາດການປົກຄອງບ້ານຜູ້ເຮັດວຽກງານປ້ອງກັນຊາດ, ປ້ອງກັນຄວາມ ສະຫງົບ, ກໍ່ສ້າງທາງປູຢາງ 2 ຊັ້ນ 8 ກິໂລແມັດ, ສຳເລັດການກໍ່ສ້າງທາງດິນແດງປ່າໜາມ-ບ້ານດອນພູຄຳ ຍາວ 5 ກິໂລແມັດ, ຕັດຕາຜ່າຜັງບ້ານປ່າໜາມສຳເລັດແລ້ວປະມານ 6% ສ່ວນການຍົກລະດັບທາງຊອຍອາ ຄານຫ້ອງການ ແລະ ລະບົບນ້ຳປະປາຊຸມຊົນແມ່ນກຳລັງສຸມໃສ່ ແລະ ລົງມືຈັດຕັ້ງປະຕິບັດ, ສຳເລັດການ ກໍ່ສ້າງໂຮງຮຽນປະຖົມ, ມັດທະຍົມ ແລະ ຫໍພັກຄູ, ຈຸດສຸມໜາມ 100%, ສຳເລັດການກໍ່ສ້າງໂຮງຮຽນປະ ຖົມບ້ານນາກະທ້າງດົງ ແລະ ບ້ານນາໝາກບ້າ 100%  ແລະ ສຳເລັດການກໍ່ສ້າງເຮືອນພັກພະນັກງານແພດ ຢູ່ສຸກສາລາປ່າໜາມ 100 %  ແລະ ກໍ່ສ້າງຕຶກປະສູດລູກ 100 %.

ຂ່າວ:  ຈອມສີ ວົງສຸລີ

22165003

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?